I+D+i

I+D+i

En Bodegas Martín Códax apostamos pola investigación e o desenvolvemento levando a cabo diferentes proxectos en Pé Redondo, o noso viñedo experimental. Con eles búscase profundizar no coñecemento da uva albariña e mellorar a calidade dos nosos produtos.
 

2003

Establecemento dun ensaio de comportamento do albariño con dez portaenxertos distintos.

Esta investigación pretende coñecer como responde a variedade do albariño fronte a portaenxertos de vigor medio baixo que permite estudar como afecta o uso destes novos portaenxertos aos ciclos de cultivo, á producción e á calidade. Esta investigación tamén se leva a cabo en colaboración coa Universidade Politécnia de Madrid.

2003

Estudo do comportamento do albariño en catro sistemas de condución fronte ao parral tradicional.


 

Contanto con D. José Ramón Lisarrague como investigador principal e en colaboración coa Universidade Politécnica de Madrid, o obxectivo deste estudo é o de investigar novas formas de condución de viñedos e o comportamento das vides con cada un deles tendo en conta a calidade e cantidade da colleita e a contía dos custos en cada caso particular.

 

2010-2011

Viñas Atlánticas: Proxecto promovido pola Deputación de Pontevedra.

Participan neste, Bodegas Martín Códax xunto con outras dúas cooperativas arousanas. O proxecto consiste na implantación dunha rede de sensores na bisbarra do Salnés para obter datos meteorolóxicos que permitan dar información sobre o estado das pragas.

A información obtida servirá como ferramenta para reducir o uso de tratamentos e produtos químicos na produción de viños. O obxectivo principal é crear un sistema de xestión ambiental que contribúa ao desenvolvemento sostible na actividade vitivinícola a través das seguintes liñas de traballo:

Protección da biodiversidade
Redución de emisións de carbono
Explotación sostible

2008-2011

Cenit Demeter. Estudo do comportamento do viñedo fronte ao cambio climático comprobando diferentes factores:

Uso de diferentes sistemas de condución

Uso de diferentes patróns

Diferentes estratexias no uso do auga para mitigar o efecto do cambio climático

Diferentes estratexias de cultivo orientadas ao manexo do viñedo
 

www.cenitdemeter.es

2006-2009

Estudo dos precursores aromáticos e composición da uva albariña en función da situación do viñedo para a zonificación de viñedos no Val do Salnés, D.O. Rías Baixas.

Colaboran a Universidade Politécnica de Madrid, a Universidade de Vigo e Misión Biolóxica de Galicia.