Arrincamos nova tempada de enoturismo no corazón de Rías Baixas

Hoxe iniciamos unha nova tempada de enoturismo en Bodegas Martín Códax, reforzando a nosa aposta por experiencias que permiten descubrir o universo do albariño desde diferentes miradas. Este ano deseñamos unha programación que amplía e diversifica as nosas propostas para o visitante, combinando viño, territorio e gastronomía atlántica.

Entre as principais novidades desta tempada presentamos Mar de fondo, unha experiencia exclusiva pensada para quen busca unha aproximación máis pausada e singular ao viño. Nela propoñemos unha selección especial de referencias da nosa adega acompañadas dunha coidada proposta gastronómica, todo nun entorno privilexiado que invita a desfrutar do viño con calma e profundidade.

Xunto a esta nova proposta, seguimos ofrecendo as nosas experiencias máis consolidadas. Orixe é a nosa visita esencial, coa que convidamos a descubrir a orixe de Bodegas Martín Códax, a nosa filosofía cooperativa e o proceso de elaboración dos nosos viños. A experiencia remata cunha cata comentada acompañada de queixos galegos.

Tamén continúa Ondas do mar, unha proposta que conecta os nosos viños coa gastronomía atlántica a través dunha harmonía de viños e conservas gourmet de proximidade. E para quen desexe adentrarse en elaboracións máis exclusivas, Creacións singulares ofrece a oportunidade de descubrir viños de produción limitada e proxectos enolóxicos diferenciais que reflicten o noso lado máis experimental.

A todas estas experiencias súmanse as nosas catas en terraza con vistas á Ría de Arousa e á nosa Barra Atlántica, onde é posible desfrutar dos nosos viños nun ambiente relaxado e distendido sen necesidade de reserva previa.

En abril reabrimos Pé Redondo

A nosa oferta enoturística ampliarase tamén a partir do 1 de abril coa reapertura de Pé Redondo, o noso centro enoturístico de investigación vitícola situado no corazón do Val do Salnés. Trátase dun espazo singular onde investigación, sustentabilidade e divulgación conviven arredor do mundo do viñedo.

A través de visitas guiadas, quen nos visite poderá percorrer este singular viñedo e coñecer de primeira man algúns dos proxectos nos que traballamos, como o desenvolvemento de variedades resistentes, a adaptación ao cambio climático ou novas formas de cultivo.

A experiencia complétase cunha cata de viños nun entorno natural privilexiado. Pé Redondo permite achegarse ao traballo de investigación que desenvolvemos desde hai máis de dúas décadas neste viñedo experimental e completa a nosa proposta enoturística ofrecendo unha visión máis ampla do viño: desde a súa orixe no viñedo e a súa elaboración na adega ata os proxectos de innovación que marcarán o futuro da viticultura atlántica.

Co inicio desta nova tempada queremos seguir consolidándonos como un referente do enoturismo en Rías Baixas e en Galicia, apostando por experiencias que conectan viño, paisaxe, cultura e innovación.

Para máis información e reservas visita a nosa web: https://tienda.martincodax.com/