Volven as visitas ao noso viñedo de investigación Pé Redondo

A partir do 1 de abril, volveremos abrir este espazo pensado para que descubrades de cerca a nosa paisaxe, o viñedo e, sobre todo, a orixe dos nosos albariños. Pé Redondo é a nosa maneira de amosarvos como traballamos, como coidamos a nosa terra e como o traballo en equipo dá vida a cada unha das nosas botellas.

Descubrir o viñedo desde outra perspectiva

Situado nun entorno único nas Rías Baixas, Pé Redondo permítenos mostrar todo o que hai detrás das nosas elaboracións: a paisaxe, a tradición e a cultura que nos definen. Queremos que poidades sentir a terra baixo os vosos pés, contemplar a paisaxe que nos caracteriza e entender como cada detalle do entorno inflúe nos nosos albariños.

Unha experiencia que conecta co territorio

Con Pé Redondo, queremos que vos levedes moito máis que unha visita; queremos que vivades a paisaxe, que entendades a viticultura do Salnés e que coñezades ás persoas que forman parte do noso proxecto.

Disfrutaredes dunha experiencia única profundando en sistemas de condución, variedades que cultivamos e o noso compromiso coa sustentabilidade. A visita culmina cunha cata dos albariños nacidos nesta finca, acompañados de elaboracións coidadosamente deseñadas para realzar cada viño.

Agardámosvos para brindar xuntos pola primavera, pola nosa contorna e por todos os momentos que aínda nos quedan por compartir en Pé Redondo.

Máis información e reservas aquí.