O albariño Martín Códax, buque insignia da nosa adega e referente da D.O. Rías Baixas segue imparable na súa consolidación entre os grandes viños brancos do mundo.
Nas listas onde antes só se vían chardonnays, sauvignons ou rieslings agora destaca tamén o albariño Martín Códax situándoo entre os principais viños nos mercados internacionais.
Un exemplo de mercado onde máis se consolidou son os Estados Unidos. En pouco máis dun mes, Martín Códax foi elixido por Las Vegas Review Journal como Viño da semana e como Viño do Día na prestixiosa publicación The Wine Spectator, seleccionado polo crítico Thomas Matthews.
Outro dos acontecementos que reafirma a posición de Martín Códax como un dos principais viños neste mercado é a enquisa anual ao sector hostaleiro da revista Wine & Spirit, que celebrou xa o seu vixésimo aniversario. Decenas de sumilleres elixiron os mellores viños do país e entre eles encontrábase Martín Códax destacándoo como top value e como un dos mellor valorados entre os restauradores. Trátase da confirmación de que un varietal ata hai poucos anos descoñecido, se converteu agora nun imprescindibles nas cartas dos restaurantes internacionais.
