Visita en clave musical.

O sábado pasado -14 de abril-, en Bodegas Martín Códax tivemos o pracer de recibir unha visita moi especial. O cubano Paquito D’Rivera, gañador de múltiples Grammys e Medalla Nacional das Artes dos EE.UU.; o indio Sandeep Das, que gravou con máis de 30 selos discográficos, e as galegas Guadi Galego ( voz de Berrogueto durante unha década) e Cristina Pato (pianista e gaiteira de recoñecido prestixio), entre outros, aceptaron o noso convite e trasladáronse dende Santiago para visitar a adega. Un paseo polas nosas instalacións, nunha xornada de ocio e formación que lles permitiu coñecernos e internarse na cultura galega a través dos viños de Martín Códax.
Os días previos, estes grandes referentes da música, participara no Galician Conection Ao Vivo. Dirixido e organizado por Cristina Pato, estas xornadas internacionais sobre músicas do mundo estiveran presentes na Cidade da Cultura durante 3 días nos que se cumpriu o obxectivo de dar a coñecer as diferentes realidades musicais que presentaron cada un dos artistas.