Catas temáticas

30 de Xullo de 2014

Festa do Albariño

Festa do Albariño

botellas

No marco das catas temáticas organizadas pola D.O. Rías Baixas con motivo da Festa do Albariño en Cambados, Bodegas Martín Códax celebrará dúas catas, impartidas pola enóloga e directora de produción Katia Álvarez.

A primeira delas, terá lugar o xoves 31 de xullo a partir das 19 horas no Salón Jose Peña e leva por título “Bendita Madureza: elaboracións especiais de Martín Códax”. O público que asista a esta cata, poderá degustar os viños con elaboracións máis complexas da adega: Martín Códax Lías, Organistrum e Martín Códax Gallaecia e entender o proceso de elaboración de cada un deles. Procesos que dan conta da versatilidade da uva albariño e o seu potencial.

Ao día seguinte, o venres 1 de agosto ás 11 da mañá, comezará a cata “Martín Códax: albariños de terruños”. Nesta ocasión a cata estará centrada nun dos proxectos de investigación da adega a través do cal se estudaron as diferenzas da uva albariño cultivada en tres subzonas de Rías Baixas: Condado, O Rosal e O Val do Salnés.

Con este proxecto, estudáronse as características climáticas e orográficas de cada zona, analizando todas as diferenzas encontradas entre elas e tamén as diferenzas organolépticas e sensoriais dos viños resultantes de cada zona.

Así, na cata, poderanse degustar un albariño 100% da zona do Condado, caracterizado por ser viños cun perfil moderno pero á súa vez sobrio e serio e moi aromático na fase retronasal; un albariño100% da Roseira, cun perfil máis afrutado e tropical e un albariño100% do Val do Salnés, que presentan unha gran sutileza e elegancia en boca e nariz.

O público desta cata poderá comprobar o efecto terra nos viños e o potencial de cada zona.

Para poder asistir ás catas, hai que adquirir as entradas no propio salón de Jose Peña. A entrada tamén dá dereito a visitar o Túnel do Viño

Deixa unha resposta

O teu enderezo electrónico non se publicará Os campos obrigatorios están marcados con *

Podes utilizar estas etiquetas e atributos HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Comentaristas principais en Bodegas Martín Códax
  • codax
    40 comentarios
  • Manuel Ferreiro
    2 comentarios
  • Multihomespain
    2 comentarios
  • Sole
    2 comentarios
  • Alejandro Martínez
    1 comentario
  • alicia bará
    1 comentario