Coñecemos aos gañadores!

A noite do 9 de maio celebramos no Pazo da Cultura de Pontevedra a gran festa da música en Galicia. A noite na que se dan a coñecer aos mellores proxectos musicais do ano á vez que se poñe de relieve o potencial deste sector e a diversidade de estilos existentes.

Dos máis de 400 proxectos presentados aos Premios Martín Códax da Música, tan só 54 pasaron á ronda final. Un xurado, composto por membros tanto de Músicos Ao Vivo, organizadores dos premios, coma por outros profesionais deste sector, foi o encargado de escoller aos gañadores desta quinta edición.

E os proxectos destacados foron os seguintes:

• Pop e indie: Eladio y Los Seres Queridos
• Rock: Igmig
• Jazz e músicas improvisadas: Yago Vázquez Trío
• Hip hop e músicas urbanas: Som do Galpón
• Música tradicional e folk: Xosé Lois Romero & Aliboria
• Músicas do mundo: Brais Morán
• Música infantil: A gramola gominola
• Electrónica: Mounqup
• Metal: Arrhythmia
• Reggae, ska e mestizaxe: Chotokoeu
• Orquestras, grupos e música de verbena: Grupo Limón
• Blues, funk e soul: The Lákazans
• Canción de autor: Uxía
• Coros e música vocal: Encaixe

Premios Organistrum:

• Mellor festival: Resurrection Fest
• Mellor sala: Sala Garufa Club
• Mellor espazo de comunicación musical: Ábrete de orellas.

Ademais, nesta gala rindiuse homenaxe por primeira vez a dous músicos. Os sendos premios honoríficos foron a parar a Pepe Bordallo e Quique Alvarado, pola súa traxectoria musical como baxistas.

Hoxe, o proceso comeza de novo. Músicos e músicas de Galicia parten de cero, novos proxectos e novas iniciativas para, de aquí en un ano, volver a participar na que será a sexta edición destes premios. Estamos desexando que chegue o momento!

Por ahora, seguiremos a gozar de todo o talento galego.