Os amantes da música barroca teñen unha cita o vindeiro sábado 15 de febreiro na igrexa compostelá "Real Capela dás Ánimas", que acollerá un concerto organizado polo Conservatorio Profesional de Música de Santiago.
Baixo o título "De cordas, tubos e teclas", as 16 persoas que compoñen o proxecto "Música acordada: acordes, cordas e acordos", interpretarán un total de seis temas dos séculos XVII e XVIII.
Trátase do primeiro dos concertos do ciclo que organiza o Conservatorio de Santiago e cos que colaborará Bodegas Martín Códax na súa firme aposta pola cultura e a música galega.
Como antesala a este concerto, o auditorio do conservatorio contaba coa presenza o pasado 5 de febreiro do profesor Jose Antonio Souto Cabo que ofreceu unha conferencia sobre Martín Códax dentro do ciclo "Poesía na Música" e que tamén se acompañou coa música de diferentes colaboradores e colaboradoras que interpretaron catro cantigas do poeta protagonista da charla.
