¿A que saben, olen e soan as tardes do Atlántico? A nova oferta enoturística de Bodegas Martín Códax busca ofrecer unha experiencia totalmente atlántica a todos os que se acheguen a nosa terraza. Para iso, bota man dos produtos protagonistas do Atlántico así como tamén dos seus produtores, para lograr poñer en sintonía aos participantes co entorno oceánico da terraza da bodega e sempre coa presenza do albariño.
Serán moitos e moi variados os produtos que terán cabida neste ciclo de catas que se celebrarán as tardes de martes, mércores e venres dos meses de xullo e agosto e de martes a veres durante o mes de setembro.
Os asistentes poderán saborear a calidade dos produtos tradicionais da zona reinventados a través de elaboracións que, ademais de respectar a materia prima, achegan notas asiáticas e de fusión. Sushi, dumplings, queixos, empanadas ou doces son algúns dos produtos que os asistentes poderán saborear na terraza da bodega, baixo a influenza oceánica.
Estas propostas gastronómicas serán unha maridaxe perfecta e innovadora coa que acompañar os diferentes viños da cooperativa, albariños cultivados e elaborados no Salnés.
A experiencia enoturística d’As tardes do Atlántico, que terá un prezo de 15 euros por persoa, terá aforo limitado, polo que para asistir será preciso facer reserva previa chamando á bodega ao teléfono 986 526 040 ou a través do correo electrónico enoturismo@martincodax.com.
O calendario d’As tardes do Atlántico estenderase ata o mes de setembro e compartirase de dúas en dúas semanas a través da páxina web e das redes sociais de Bodegas Martín Códax.
A continuación, presentamos o calendario para o mes de setembro:
– 31 de agosto: vino & queso
– 4 de setembro: viño & conservas
– 5 de setembro: viño & conservas
– 6 de setembro: viño & queixo
– 7 de setembro: viño & doces
– 11 de setembro: viño & conservas
-12 de setembro: viño & conservas
– 13 de setembro: viño & queixo
– 14 de setembro: viño & empanada
– 18 de setembro: viño & conservas
– 19 de setembro: viño & conservas
– 20 de setembro: viño & sushi
– 21 de setembro: viño & doces
– 25 de setembro: viño & conservas
– 26 de setembro: viño & conservas
– 27 de setembro: viño & sushi
– 28 de setembro: viño & empanada
