Este ano, a festa de finalistas que se realiza na nosa bodega adquire un novo formato adaptado aos tempos e reconvértese en diferentes encontros virtuais cos finalistas de cada categoría conducidos por representantes de MAV.
Nestas xuntanzas “pequenas pílulas de 10 minutos”, os finalistas de cada categoría, serán presentados “nunha conversa informal e amena” e faráselles entrega de forma oficial do tradicional botellón magnum de Martín Códax. Poderán verse, a razón de unha por día, dende hoxe nas redes sociais dos Premios Martín Códax da Música e de Bodegas Martín Códax
A gala final celebrarase no Pazo da Cultura de Pontevedra o vindeiro día 21 de outubro. Por razón de aforo, a gala será retransmitida en streaming a través da páxina web dos Premios Martín Códax da Música: www.premiosmartincodaxdamusica.gal
Dende os nosos fogares poderemos coñecer os galardonados das xa recoñecidas estatuíñas das e dos melómanos.
¡Moita sorte a todos/as finalistas!
