Nunha nova aposta pola cultura galega Bodegas Martín Códax colabora na décima edición do Festival De Lusofonía Cantos Na Maré que terá lugar o vindeiro día 12 de xaneiro no Pazo da Cultura de Pontevedra a partir das 21.00 horas. Un evento que rende homenaxe ao mar como punto de encontro e que dende o seu nacemento en 2003 se consolidou como o principal evento musical e cultural da lufosonía a nivel mundial.
Nesta décima edición, o Festival contará coa presenza de Chico César dende Brasil, Rui Veloso dende Portugal, Cheny Wa Gune dende Mozambique e Sés dende Galicia. Como sempre, todos eles baixo a dirección artística de Uxía e a dirección musical de Paulo Borges.
Con motivo da celebración de Cantos Na Maré, Bodegas Martín Códax invita aos seus seguidores a gozar deste espectáculo e sortea a través da súa páxina oficial de Facebook, 3 convites dobres para asistir ao Festival. O sorteo iníciase o 9 de xaneiro e estará activo soamente durante dous días, xa que o venres se dará a coñecer os gañadores.
Por último, e para poñer o broche de ouro ao Festival, os artistas e integrantes de Cantos Na Maré asistirán o domingo 13 de xaneiro a partir das 14.00 horas ás instalacións da adega onde terán un encontro que lles servirá para compartir experiencias e impresións sobre o festival e para internarse na cultura do albariño, tan ligada á cultura galega.
CHICO CÉSAR Brasil
Enerxía, compromiso e ritmos afrobrasileños nun artista que repite en Cantos na Maré para celebrar o seu décimo aniversario
RUI VELOSO Portugal
O pai do rock portugués, con máis de 30 anos de carreira que o converten en toda unha institución.
CHENY WA GUNE Mozambique
Mago da fusión dos ritmos tradicionais mozambicanos coa música moderna e embaixador mundial dá timbila.
SÉS Galicia
A frescura e a enerxía dos uevos valores galegos toda xunta nos seus ritmos americanos repensados en galego e en feminino
UXÍA Dirección artística
Unha das voces máis populares e valoradas da nosa len¬gua, que soubo como ninguén conectar a música galega coa doutros pobos
PAULO BORGES Dirección musical
Un dos principais coñecedores dos camiños nos que se encontran as músicas lusofónicas
