Estamos orgullosos de compartir que a comunidade de Verema recoñeceunos como a “Adega con Mellor Traxectoria”, un galardón que reflicte a nosa historia, compromiso e paixón polo albariño e o territorio galego.
A nosa historia e compromiso
Desde que iniciamos a nosa andaina en 1985 no corazón do Val do Salnés, a nosa filosofía sempre foi clara: traballar xuntos, innovar e coidar a nosa contorna. Seguímolo facendo hoxe, ampliando os nosos horizontes e levando o nome de Galicia a máis de 60 países.
Cada botella que elaboramos reflicte a nosa historia, o noso esforzo colectivo e o orgullo polo territorio que nos inspira cada día.
Un recoñecemento ao noso equipo e socios
Para o noso director xeral, Juan Vázquez, “recibir este recoñecemento é un orgullo e, sobre todo, un recoñecemento ao traballo colectivo dos nosos socios viticultores e de todo o equipo humano da adega. Desde os nosos inicios traballamos co obxectivo de poñer en valor o albariño e o noso territorio, e premios como este nos animan a seguir avanzando coa mesma ilusión e compromiso”.
Os Premios Verema concédense anualmente mediante a votación de afeccionados e profesionais do viño, o que fai que este galardón sexa aínda máis especial.
Emociónanos compartir este logro con todos vós, e motívanos a seguir apostando pola calidade, a innovación e a sustentabilidade en cada proxecto que emprendemos.
