A proposta enoturística de “As Tardes Do Atlántico” amplía o seu horario ata a primeira quincena de setembro, para permitir a aqueles que visiten a nosa terraza, durante este mes, poidan gozar dunha fusión da paisaxe, a gastronomía e a viticultura do Val do Salnés.
A intención destas propostas é dar a coñecer ao visitante a grandeza do Atlántico e de Rías Baixas, fusionado a través de catas maridaxe con viños de Martín Códax e deliciosos bocados, preparados coas recetas de distintos e revolucionarios cociñeiros de fama nacional. As tardes do Atlántico pretenden ser unha viaxe a través dos sentidos pola esencia e tradición atlánticas.
As Tardes do Atlántico de setembro constarán de dous pases horarios, cada día, os mércores, xoves e venres, na terraza; ás 19:00 h. e ás 20:00 h. Terán un prezo de 15 euros por persoa e a reserva deberá realizarse chamando á adega no teléfono 986 526 040 ou a través do correo electrónico: enoturismo@martincodax.com
Calendario de As Tardes Do Atlántico de setembro:
Alta cociña en lata: 4, 11 e 12 de setembro.
Empanadas artesás: 5 de setembro.
Queixería Marqués de Valladares: Queixos do mundo. 6 de setembro.
Cociña en doce. 13 de setembro.
