Foto: Business Factory Food
Se buscas crear a túa propia empresa ou estás a empezar a túa actividade empresarial, segue lendo! Actualmente participamos como empresa tractora no Business Factory Food, a primeira aceleradora do sector alimentario de Galicia, impulsada pola Xunta de Galicia e dinamizada polo Clúster Alimentario de Galicia e empresas de referencia da industria alimentaria, entre elas Bodegas Martín Códax.
O Business Factory Food é un programa de apoio integral no sector alimentario que está enfocado a promover proxectos innovadores de emprendemento, tanto a nivel nacional como internacional. Pode tratarse tanto de proxectos que están a dar os seus primeiros pasos -que englobarían nun programa de aceleración de 9 meses de duración – como de empresas xa constituídas cun servizo definido e que xa están activas no mercado -e que participarían no programa de consolidación, cunha duración de 12 meses-.
Os retos aos que fai fronte o programa son sete: dixitalización e automatización; calidade e seguridade alimentaria; sustentabilidade e packaging; comercialización; desenvolvemento de novos produtos; trazabilidad e loxística; innovación sector alimentario. Os participantes terán á súa disposición a un total de oito mentores referentes no sector e membros das empresas que participan en proxecto, entre os que se atopa o noso director xeral, Juan A. Vázquez Gancedo
Os interesados que desexen inscribir o seu proxecto emprendedor no programa poderá facelo ata o 16 de maio de 2019.
Consulta toda a información na web: www.bffood.es.
