A encargada de abrir a edición 2013 dos Xoves de Códax foi unha das artistas revelación da escena galega: Sés. Presentou o seu novo álbum, ” Co xenio destrozado” un traballo producido por ela mesma e feito con orgullo de identidade, frescura e vitalidade, que pretende concentrar en cancións viscerais e apaixonadas a potencia do directo. Temas de cantautora vestidos de blues, rock e sons do continente hispanoamericano. Neste directo, Sés contou tamén co seu guitarrista cómplice, Tito Calviño, que tamén a acompañou na gravación do disco nos estudos MUGIR da Coruña.
